తీపి తీపి తెలుగు...

August 29, 2017

అమ్మ అనే అక్షరాలల్లో ఉన్న తియ్యదనం, నాన్న అన్న పిలుపులో ఉన్న కమ్మదనం నాకు తెలుసింది నా మాతృభాషవల్లే...
    అన్న,తమ్ముడు,అక్క,చెల్లి అని పలకరించే పిలుపుల్లో, వీళ్ళు నా వాళ్ళు అన్న హక్కుతో కూడుకున్న చనువు,ఆప్యాయత తెలిసింది నాకు నా మాతృభాష వల్లే...
       దెబ్బ తగిలి అమ్మా..అని అరిచినా, భయం వేసి అమ్మ.. అని పిలిచినా,ఆ రెండింటికి అర్థం,తేడా తెలిసింది నా మాతృభాష వల్లే...
ఆనందం వచ్చినా,భాధ కలిగినా మనసారా వ్యక్తపరచగలిగేది నా మాతృభాషలోనే...
     ఒరేయ్ అన్నా, ఏరా అని పిలిచినా వెంటనే అంతే చనువుగా ఏంట్రా...ఏంటో చెప్పారా అని బదులు పలికేది నా మాతృభాషలోనే...
         ఏరా మావ , ఒరేయ్ బామ్మరిది అనే పిలుపుల్లో ఉన్న స్వచ్ఛమైన స్నేహం కనిపించేది నా మాతృభాషలోనే...
   మాతృభాషని,మాతృభూమిని ఎప్పటికి మరిచిపోవద్దంటూ కోరుకుంటూ....
   మీ అందరికీ తెలుగుభాషా దినోత్సవ శుభాకాంక్షలు

Comments

మా బడి మాకెంతో ఇష్టం...

October 05, 2017

రోజులు మారిపోతున్నాయి అని అనుకునే కంటే మనం మారిపోతున్నాం అని అనుకుంటే బాగుంటుందేమో.ఎందుకంటే రోజులు ఎప్పటిలా వాటి మానాన అవి సాగిపోతున్నాయి.కానీ మార్పు వచ్చింది వాటిల్లో కాదు, మనలో. అర్థం కాలేదా...కొంచం క్లారిటీ యిస్తా..ఉండండి.మన చిన్నప్పుడు మనం అమ్మానాన్నల మాట వింటూ పెరిగి పెద్దవాళ్ళం అయ్యాం.యిప్పుడు కూడా మనం అదే పని చేస్తున్నాం.కానీ మనలో చిన్న మార్పు ...మనం యిప్పటికీ మన పెద్దవాళ్ళ మాటకి విలువ యిస్తున్నాం,మన పిల్లలు చెప్పేది కూడా వింటున్నాం.యిదంతా ఎందుకు చెబుతున్నానంటే నాలో వచ్చిన ఈ మార్పు మీ అందరిలో కూడా వచ్చింది, వస్తూనే ఉంది కాబట్టి.... నిన్న ఏం జరిగిందంటే... యిదేమి అంత పెద్ద విషయం కాదు లెండి.అయినా మీ అందరితో చెప్పుకోవాలనిపించి చెబుతున్నా...కొంచెం ఓపిక చేసుకుని చదవండి. ఆ......యిక అసలు విషయానికి వస్తున్నా.నిన్న మా అమ్మాయి పెన్స్ కొనుకోవటానికి డబ్బులు అడిగింది.వారం క్రితమే అరడజను పెన్స్ కొన్నావుగా అని నేనంటే,అవి ప్రాక్టీకల్స్ కి వాడేశా.ఇప్పుడు థియరీ ఎక్సమ్స్ కి మళ్ళీ కావాలి అని అనేసి వెళ్ళిపోయింది.ఏం చెబుతాం...ఈ జనరేషన్ పిల్లలకి....చెబితే వింటారా?.అంతా use and throw వ్యయహారం

My morning run

September 01, 2017

పొద్దున్నే అలారమ్ మోతకి నిద్ర లేచిన నేను రెండే రెండు నిమిషాల్లో మొహం కడుక్కుని వచ్చి,అర సెకను గడియారం వంక చూసి యిక పరుగుకి నేను రెడి అన్నట్లుగా పమితకొంగుతో మొహం తుడిచేసుకుంటూ, రాత్రి నిద్రలో రేగిపోయిన జుట్టుని మునివేళ్ళతో పైపైన అలా దువ్వి ముడి పెట్టేసుకుంటూ, వాకిట్లో అప్పటికే సిద్ధంగా ఉన్న పాల ప్యాకెట్, న్యూస్ పేపర్ తీసుకుని వచ్చి పేపర్ పక్కన పెట్టెసి,పాల ప్యాకెట్ కత్తిరించి గిన్నెలో పోసి,అలవాటు అయిపోయిన బడ్జెట్ పద్మనాభంలా పెద్ద గ్లాసుడు నీళ్ళు అందులో కలిపేసి స్టవ్ వెలిగించి,పాలు పొంగేలోపు గబగబా వాకిలి చిమ్మేసి,ముగ్గు పెట్టి,అదే ఊపులో దేవుడి గదిని కూడా శుభ్రం చేసేసుకుంటూ మధ్య మధ్యలో పొంగటానికి రెడీగా ఉన్న పాలు చూసుకుంటూ ముందురోజు రాత్రి వేసిన ఫిల్టర్ కాఫీ డికాషిన్ తో కాఫీ కలిపేసుకుని నోరు కాలిపోతున్నా పట్టించుకోకుండా,ఫిల్టర్ కాఫీ వాసనకి నిద్ర మత్తు అలా అలా దిగిపోతూ ఉంటే కక్కుర్తిగా వేడి వేడి కాఫీ తాగేసి హడావుడిగా వెళ్ళి రెండు చెంబులు నీళ్ళు పోసుకుని వచ్చి ఫ్రిడ్జిలో ముందు రోజు రాత్రి తరిగిపెట్టుకున్న కూరముక్కలని మూకుడులో తాలింపు వేసి అందులో పడేసి,దానిలోనే ఉప్పు, పసుపు, కారం

అమ్మ చేతి ముద్ద

August 14, 2017

అమ్మ చేతిలో ఏముందో ఏమిటో తెలియదు కానీ ఆకలి లేదంటూ మారం చేస్తున్న నాకు అమ్మ ఆకాశంలో చందమామని చూపిస్తూ కధలు చెబుతూ ఎంతో ప్రేమగా గోరుముద్దలు పెడుతూ వుంటే నేను ఆకాశంలో నక్షత్రాలని లెక్క పెట్టుకుంటూ అమ్మ చెప్పే కథలకి ఊ.. కొడుతూ అన్నం తినేసి అలానే అమ్మ ఒడిలో నిద్ర పోయాను.కలలో దేవుడు నా నేస్తం కన్నయ్యలా కనిపించి నాతో ఎన్నో ఆటలాడుకున్నాడు.మేము ఇద్దరం కలిసి దాగుడుమూతలు ఆడుకున్నాం,చిటారు కొమ్మలెక్కి చిలుక కొట్టిన దోర జామపండ్లు కోసుకుని తిన్నాం,ఆ పైన దాహం వేసి సెలయేటి నీళ్లు తాగి,అంతటితో ఊరుకోకుండా ఒకరితో ఒకరు పోటీ పడి పరుగు పందాలు వేసుకున్నాం.ఆడి ఆడి అలసిపోయిన సన్ను కన్నయ్య తన వేణుగానంతో ఎంతో సేపు మురిపించాడు. వేణుగానం ఆగేసరికి ఉలిక్కిపడి చుట్టూ చూసిన నేను అమ్మ కనిపించకపోయేసరికి ఒక్కసారిగా బిక్కమొహం వేసుకుని కన్నయ్య నన్ను ఎంతగా పిలుస్తున్నా పట్టించుకోకుండా ఇంటికి పరుగు తీశాను. నా బిక్కమొహం చూసిన కన్నయ్య కూడా పరుగు తీస్తూ మా ఇంటికి వచ్చేశాడు. అలా నేను గుమ్మంలోకి అడుగు పెట్టగానే అమ్మ పరుగు పరుగున వచ్చి నన్ను అక్కున చేర్చుకుని," ఇంతసేపూ ఎక్కఫున్నావురా బుజ్జి?.నేను ఎంత కంగారు పడ్డానో తెలుసా&qu

ప్రేమతో.....అమ్మ

August 22, 2017

చిట్టి తల్లి.... చాలా కాలం తర్వాత ఇన్నాళ్లకు నా జీవితం అనే పుస్తకం పేజీలని వెనక్కి తిప్పి చూసుకుందాం అని అనుకుంటే .ఆశ్చర్యం...ఆ పేజీల నిండా నీ జ్ఞాపకాలే, నీవు చేసిన గుర్తులే....నా కోసం నేను ఎంత వెతుక్కున్నా...నా జాడ కనిపించలేదు ఎక్కడా.....అనుమానం వచ్చి ఇది నా జీవితమేనా అని మరల మరల తిప్పిన పేజీలనే ముందుకి,వెనక్కి, మరింత వెనక్కి తిప్పిచూసుకున్నా.అరె.....నేనేమైపోయాను.నా జ్ఞాపకాలు,నా అనుభూతులు ఏవి?.నిన్నటి దాకా నా గురించి నాకు రాని ఆలోచన ఇప్పుడే ఎందుకు వస్తోంది? యీ ప్రశ్నని పదే పదే నన్ను నేను వేసుకుని చూస్తే నేను అమ్మనైన తర్వాత మొదటిసారి నిన్ను ఎత్తుకున్న క్షణం నీవు క్యార్...క్యార్ మంటూ, ఇక నుండి అమ్మ నాకే సొంతం అని నీ భాషలో చెప్పినట్లనిపించింది.నీ బోసి నవ్వులతో,చిన్ని చిన్ని తప్పటడుగులు నావైపు వేస్తూ,నీ చిట్టి చేతులతో నన్ను హత్తుకుపోయిన క్షణం నుండి నా ప్రపంచం నీవే అయిపోయావన్న సంగతి ఇప్పటికి తెలిసివచ్చింది నాకు. నీ చిన్ని నేస్తంగా మారిపోయూ నే బొమ్మల పెళ్లిళ్లు చేసిన జ్ఞాపకం.చిన్నప్పుడు చదవలేక వదిలేసిన హిందీ,సంస్కృతం అమ్మనైన తర్వాత నీ కోసం నే నేర్చుకుని నీకు నేర్పుస్తూ పోటీ పడ

పి.భా.స ....పెద్దలకు మాత్రమే

December 13, 2017

వారంరోజుల ముందుగానే యింటింటికి వచ్చి ఆదివారం జరగబోయే పి.భా.స సభకి రమ్మనమని నిర్వాహకులు పిలిచేసరికి అసలు యీ పి.భా. స సభ గురించి ఎప్పుడు విని వుండకపోవటంతో అదేంటో చూద్దామని మేము యిద్దరం వెళ్ళాం.అన్నట్లు చెప్పటం మరిచిపోయా.ఈ సభకి 15 సంవత్సరాలు దాటిన పిల్లలున్న పేరెంట్స్ మాత్రమే రావాలని రూల్ కూడా పెట్టారు.యిదేదో మాకు పనికివచ్చే విషయంలా నా సిక్స్తసెన్స్ చెప్పేసరికి వాళ్ళు చెప్పిన టైం కంటే అరగంట ముందుగా బయలుదేరి వెళ్ళాం.ఆడిటోరియం అంతా అప్పటికే మాలాంటి పేరెంట్స్ తో నిండిపోయి ఉంది.ఎలాగో అలా అందరిని తోసుకుంటూ ముందుకు వెళ్ళి ఒకరిద్దరితో పొట్లాడి మరీ కష్టపడి సీట్లు సంపాదించి కూర్చుని చూద్దుము కదా.. అక్కడి వచ్చిన పేరెంట్స్ అందరి మోహల్లో అక్కడేదో అద్భుతం జరగబోతోందన్న ఫీలింగ్ కొట్టొచ్చినట్లు కనిపిస్తోంది. మెల్లిగా సభ ప్రారంభమైంది. ఒక్కొక్కరిగా వచ్చి పరిచయం చేసుకున్న నిర్వాహకులు, సభాదక్షుడు ఉపన్యాసాలతో గంటలు గంటలు ఉదర కొట్టకుండా క్లుప్తంగా మాట్లాడి యిక పి.భా.స గురించి మాట్లాడమని ఆ రోజు ముఖ్య అతిధిగా పిలిచిన పెద్దమనిషిని ఆదరంగా ఆహ్వానించారు.అప్పటిదాకా రిలాక్సడ్ గా కూర్చున్న పేరెంట్స్

Search This Blog

కాలక్షేపం బఠానీలు